BAJALANG DENG BRENTI

So jadi penyanyi top deng fans bapuji puji tape jago bamanyanyi, so pantas kita dapa. Kiapa? karna, waktu kita pe muda, kita so mati matian vor sampe di oras kita orang so top bagini. Tempo itu, kita sama deng kuda di jalur vor bertanding, nyanda ada tu mo kase balaeng tu otak, selaeng tu garis finish.

Kita pe nene lia kita pe sibok ukur tobat, dia babilang,; “Cu, jang kwa talalu capat tu bajalang. Karna tu sepanjang ngana pe jalang tudia, banya tu pemandangan bagus!”

Mar kita nyanda pernah badengar kita pe nene pe kata kata tudia, didalang kita pe hati deng kita pe otak bapikir, kalu tu orang so lia deng kantara butul butul kamana dia mopigi akang, kiapa ley kong mo berenti vor mo kase buang sia sia tu waktu?!. Deng cara bapikir bagini, kita turus lari vor sampe pa kita pe tujuan. So deng taong baganti, kita so tadudu, so hidop orang bilang, tu bundel, buntel deng brankas so tateruh, mar biar so ada ley meitua deng tu kacili riki tiga mar, kita bulung bahagia, memang sanang mar ada tu kita rasa kurang dang. Kita pe herang deng bapikir kiapa kong bagini, kita batanya dimana depe salah kong sampe kita nyanda bahagia cuma sampe di sanang?

Satu waktu torang pe band beking show di luar kota, kita jadi depe penyanyi utama. Depe abis acara, samua penonton paka tangan deng babataria nyanda brenti. Pas waktu itu, ada satu tamang kase telegram kalu meitua so melahirkan anak ka ampa. Saban meitua melahirkan, kita salalu ada show, kita ada jaoh dari meitua. Cuma dia sandiri tu batanggong depe susah deng depe oras antara ru hidop deng mati. Nyanda pernah tu anak anak pe balangkah partama mo bajalang, kita pernah lia, kita nentau bagimana dorang pe manangis deng tatawa waktu tudia, kita cuma dengar dari meitua. Kita pe nene pe kata kata ley tabayang, dapa dengar di tape telinga....

Butul butul kita so banya ilang akang tamang, so lama nyanda baca kita pe buku buku tu dulu kita suka jaga baca, so talalu lama nyanda bajalang di taman bunga dekat rumah, tampa anak anak barmaen, so talalu sibuk!!!!!.

“Kita tak dapat hidup hanya dengan berpikir tanpa bekerja. Namun hidup ini menjadi amat tak berarti bila kita bekerja bagai sebuah mesin yang bergerak tanpa henti.?

Kita butuh waktu luang untuk menilai kembali masa silam, serta menentukan arah masa depan yang baru. Ketika berjalan, kita mengarah ke suatu tujuan tertentu. Ketika berhenti kita memupuk tenaga baru untuk memulai perjanan baru.